Хяргас нуурын мөс цөмөрч, живсэн автомашиныг 5 метрийн гүнээс татан гаргажээ

Увс аймгийн Малчин сумын 1 дүгээр багийн "Мөнгөн давалгаа" гэдэг газар /аймгийн төвөөс урд зүгт 140 км, сумын төвөөс урд зүгт 20 км/ Наранбулаг сумаас Улаангом чиглэлд зорчиж байсан 6 зорчигчтой суудлын автомашин Хяргас нуурт, урд 2 дугуй нь мөсөнд цөмөрч орсон тухай дуудлагыг 01.26-ны өдрийн 15:25 цагт хүлээн авсан. 

Тус аймгийн Онцгой байдлын газрын Аврах салбарын алба хаагчдыг очиход иргэн О-гийн эзэмшлийн “Prius-30” загварын суудлын автомашин нуурын эргээс 300-400 м зайд мөсөнд цөмөрч нуурын усанд бүхэлдээ орсон байсныг 5 метрийн гүнээс татан гаргасан байна. 

- Гол, нуурын мөсөн дээгүүр тээврийн хэрэгсэл, ердийн хөсөг, мориор, явганаар явахгүй байх, 

- Бага насны хүүхдийг харгалзах хүнгүйгээр гол, нуур бүхий бэлчээр газарт малд явуулахгүй байх, 

- Гол, нуурын мөсөн дээгүүр мал, сүрэг тууварлахгүй байхыг Онцгой байдлын албанаас анхааруулж байна.