С. Амарсайхан: Систем нэгдэхгүй бол шударга ёс бүрдэхгүй

Хууль зүйн салбар өнөөдөр олон системтэй ч нэгдсэн биш, мэдээлэл хангалттай ч бүрэн ашиглагддаггүй, ихээхэн хөрөнгө зарцуулдаг ч үр дүн нь сул байна.
Иймд салбарын бүх байгууллагын мэдээллийг нэгтгэсэн нэгдсэн цахим архитектур, өгөгдлийн сан бүрдүүлж, шийдвэр гаргалтыг ил тод, хурдтай, хариуцлагатай болгох үүргийг өглөө.
Мөн Хууль давсан, давхардсан дүрэм журмыг цэгцэлж, хэрэгждэг эрх зүйн орчныг бүрдүүлэхийн зэрэгцээ салбарын давхардсан бүтэц, үр ашиггүй нэгжүүдийг үр дүнд суурилсан зохион байгуулалтаар шинэчилнэ. 
Гэмт хэрэг, зөрчлөөс урьдчилан сэргийлэх, илрүүлэхээс гадна сүүлийн үед газар авч буй цахим гэмт хэрэг, хар тамхи, мансууруулах бодисын нийлүүлэлт, зохион байгуулалттай гэмт хэргийн сүлжээг таслан зогсоох нэгдсэн үйл ажиллагаа, гүйцэтгэл хяналт, дүн шинжилгээний тогтолцоог улам  бэхжүүлнэ.
Үүний зэрэгцээ Хүний эрхийг хангах, иргэний зөрчигдсөн эрхийг хамгаалах, хууль сахиулагчдын ур чадвар ыг дээшлүүлэх, хууль сахиулах эрхийг мэргэжлийн ур чадвар, хандлаа сэтгэлээний өөрчлөлтөөр баталгаажуулах чиглэлд төвлөрч, ёс зүй, сахилга хариуцлагыг бүх шатанд дээшлүүлнэ.
Учир нь төр хийгээд иргэн, хууль, хүний эрхийн итгэлцэл бүх түвшинд алдагдсан энэ үед ил тод, нээлттэй, оновчтой бөгөөд хариуцлагатай, уяллаа холбоотой тогтолцоо, удирлага, мэдээллийн нэгдсэн систем л энэхүү алдагдсан итгэлцлийг сэргээж, эрх зүйт төрийг бэхжүүлнэ.