Оросын шатарчдыг Дэлхийн шатрын олимпиадад оролцуулахгүй

Гэрэл зургийг REUTERS агентлагийн эрхтэйгээр нийтлэв.

Узбекистаны Самарканд хотод ирэх есдүгээр сарын 15-27-нд болох 46 дахь удаагийн Дэлхийн шатрын олимпиадад ОХУ-ын шигшээ багийг оролцуулахгүй болжээ.

Олон улсын шатрын холбоо (FIDE)-ийн Зөвлөл ОХУ-ын Шатрын холбооноос гаргасан багуудаа олимпиадад оролцуулах хүсэлтийг хүлээн авахаас татгалзсан байна. Ингэснээр Оросын баг 2022, 2024 оны олимпиадын дараа гурав дахь удаагаа тэмцээнд оролцохгүй боллоо.

ОХУ-ын Шатрын холбоо уг шийдвэрийг шүүмжилж, улс төр шатрын спортод нөлөөлж байна гэж үзжээ. Харин Оросын шатарчид хувь хүнээрээ олон улсын тэмцээнүүдэд төвийг сахисан статустай оролцох боломжтой хэвээр байна.

Энэ удаагиийн олимпиадад 190 гаруй улсын баг оролцох юм.

Эх сурвалж: Reuters