АЗАРГА: Булган аймгийн Гурванбулаг сумын уугуул С.Гал-Эрдэнийн Нандин хонгор азарга түрүүллээ

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын хурдан азарга барианд орлоо.

Азарганы уралдаанд 196 хурдан буян бүртгүүлснээс хэмжилт, шүдэлгээн дээр 58 азарга хасагджээ. 

Энэ жилийн наадамд Булган аймгийн Гурванбулаг сумын уугуул Сэрээнэнгийн Гал-Эрдэнийн Нандин хонгор азарга түрүүллээ. 

Аман хүзүүнд Архангай аймгийн Ихтамир сумын уугуул Уясахын Тодбаярын хээр азарга,

айргийн гуравт Хөвсгөл аймгийн Бүрэнтогтох сумын уугуул Дугарсүрэнгийн Отгонлхагвын хүрэн азарга,

айргийн дөрөвт Булган аймгийн Гурванбулаг сумын уугуул Хишигжаргалын Аминхишигийн халзан азарга,

айргийн тавд Орхон аймгийн Баян-Өндөр сумын уугуул Чулуунбатын Батжаргалын Зээрэн зээрд азарга хурдаллаа.

Гэрэл зургийг MPA.mn