Харри, Меган нар зургаан жилийн дараа Их Британид ирэв

Гэрэл зургийг REUTERS агентлагийн эрхтэйгээр нийтлэв.

Их Британийн ханхүү Харри болон түүний гэргий Меган нар хааны гэр бүлийн үүргээс татгалзан АНУ-д шилжсэнээсээ хойш зургаан жилийн дараа эх орондоо эргэн ирэхээр болсон нь хэвлэл мэдээллийн анхаарлыг татав.

Тэднийг Их Британид буцаж ирэхтэй зэрэгцэн Меган найруулагч Гай Ричигийн Netflix-д зориулан бүтээж буй гэмт хэргийн сэдэвт цувралд тоглох талаар яриа гарсан ч улмаар олон нийтийн эсэргүүцлийн улмаас уг санал цуцлагдсан гэх мэдээлэл ч тархжээ. Гэвч Харри, Меган болон Netflix энэ мэдээллийг албан ёсоор батлаагүй байна.

Тэд 2020 онд хааны гэр бүлийн гишүүний үүргээс татгалзахдаа хэвлэл мэдээллийн хэт анхаарал, дарамтыг шийдвэрийнхээ нэг шалтгаан хэмээн тайлбарлаж байсан. Түүнээс хойш тэдний ярилцлага, Netflix-ийн баримтат цуврал болон Харригийн “Spare” ном Их Британийн хааны гэр бүлийн талаарх маргааныг дахин хүчтэй өрнүүлсэн удаатай. 

Эх сурвалж: Reuters