ХОВД: Төл бойжилт 98.8 хувьд хүрчээ

Гэрэл зургийг MPA.mn

Ховд аймагт энэ жилийн мал төллөлт дуусах шатандаа үргэлжилж байна. Аймгийн хэмжээнд 2026 онд 1.3 сая орчим хээлтэгч төллөх урьдчилсан тооцоо гарсан юм.

Одоогийн байдлаар 1 сая 96 мянга 957 хээлтэгч төллөжээ. Үүнээс ингэ 5784, гүү 42160, үнээ 58805, хонь 417724, ямаа 572484 толгой төллөсөн байна.

Мөн одоогоор 1 сая 84 мянга 148 төл бойжиж байгаа юм.
Төллөлтийн явц 84.3 хувь, төл бойжилт 98.8 хувьтай байгаа нь төл бойжилт өндөр түвшинд байгааг харуулж байна. Харин 12705 төл хорогдож, 8603 хээлтэгч хээл хаясан талаар Ховд аймгийн Хүнс, хөдөө аж ахуйн газраас мэдээллээ.

Энэ жилийн мал төллөлт, төл бойжилтын үзүүлэлт нь өмнөх оны түвшинд үргэлжилж байна.