“Хийморь” морьт харвааны олон улсын нээлттэй тэмцээн боллоо

“Хийморь” морьт харвааны олон улсын нээлттэй тэмцээнийг найм дахь жилдээ есдүгээр сарын 5, 6-нд Горхи-Тэрэлжийн байгалийн цогцолборт газар байрлах “Хаадын хаан морин парк”-д зохион байгууллаа. Энэ удаагийн тэмцээнд Япон, Канад, Австралийн Холбоо, АНУ, Мексикийн Нэгдсэн Улс, Бүгд Найрамдах Франц Улсаас нийт 14 тамирчин, Монгол Улсаас 73 тамирчин оролцов.

Оролцогчид цамхаг харваа, монгол бөмбөг намнаа гэсэн хоёр төрөлд хурд хүч, цэц мэргэнээ сорин өрсөлдсөн. “Хийморь” морьт харвааны олон улсын нээлттэй тэмцээнийг нийслэлийн Аялал жуулчлалын газар, Монголын үндэсний морьт харвааны холбоотой хамтран “Мянган морьтон” аялал жуулчлалын арга хэмжээний хүрээнд зохион байгуулж буй.

Гэрэл зургийг MPA.mn