О.Цогтгэрэл: МАН-ынхан намайг өөрсөд шигээ авлигач, хулгайч болгож, харлуулах гэж байгаа бололтой. Надад хувийн цэцэрлэг байхгүй

Ардчилсан намын дарга О.Цогтгэрэл Боловсролын сайд Л.Энх-Амгалангийн хийсэн мэдээлэлтэй холбогдуулан мэдээлэл өглөө. 

Ардчилсан намын дарга О.Цогтгэрэл: "Юуны өмнө хэлэхэд МАН-ынхан намайг өөрсөд шигээ авлигач, хулгайч болгож харлуулах гэж байгаа бол амжихгүй шүү гэж хэлье. Миний хамаарал бүхий Тэсо компанид хувийн цэцэрлэг байхгүй. Л.Энх-Амгалан сайд 2022 онд улсын цэцэрлэг дэргэдээ ажиллуулах хүсэлт манай компанид тавьж байсан. Тесо компани нийгмийн хариуцлагын хүрээнд байр худалдаж авч, улсын цэцэрлэгт үнэгүй ашиглуулж байгаа. Л.Энх-Амгалан сайд энэ тухайгаа сайн жишээ болгож ярьдаг хүн, мартаж санадаг өвчтэй болсон бол тэрийгээ эмчлүүлээрэй. Та нар шаардлагатай бол тэр 322-р цэцэрлэг дээр нь очоод үзээрэй. Тесогийнх шиг байгууллагын дэргэдэх цэцэрлэгүүд хэд байгааг нь мэдэхгүй байна" гэлээ. 

Гэрэл зургийг MPA.mn