Монголын өдөр тутмын сонинуудын холбоо: "Түгжрэлийн шийдэл" хэлэлцүүлэг болно

Монголын өдөр тутмын сонинуудын холбооноос "Түгжрэлийн шийдэл" хэлэлцүүлгийг маргааш "Блү скай"-д 10.00-13.00 цагийн хооронд зохион байгуулах гэж байна.

Улаанбаатар хотын эрх зүйн байдлын тухай хуулийг өнгөрсөн хавар баталсантай холбогдуулан Засгийн газрын тогтоол гарч, нийслэлийн автозамын түгжрэлийн асуудлыг шийдвэрлэх эх үүсвэрийг шийдвэрлэсэн. Ингэснээр, Улаанбаатар хотын түгжрэлийг шийдэх ажилд жил бүр улсын төсвөөс 420 тэрбум төгрөг зарцуулах түүхэн шийдвэр гарсан билээ.

Улаанбаатарын иргэдийн амьдралд алхам тутамд тулгарч буй автомашины түгжрэлийг хэрхэн шийдэх, ямар гарц гаргалгаа байгааг ярилцахаар Нийслэлийн засаг дарга Д.Сумьяабазар болон түүний багийнхныг хэлэлцүүлэгт урьжээ.