“Мөсний загасчлал"-ын дэлхийн аварга шалгаруулах тэмцээн Архангай аймгийн Өгийнуурт болно

2024 онд болох өвлийн аялал жуулчлалын онцлох эвэнтүүд

- Архангай аймагт 2024 оны нэгдүгээр сарын 13, 14-нд "Winterland 2023-Тамирын жавар" өвлийн аяллын эвэнт болно. Үүнд: "Дарвуулт чарганы спорт клубийн нээлт", "Хангайн Хасар", "Жороо морины тааварт уралдаан", "Өвлийн гоёл", "Мөсөн ханаар авирах", "Сарлагийн баяр" зэрэг 10 гаруй спорт, урлагийн тоглолтыг хийнэ. Арга хэмжээнд зориулан Монголын анхны "Өвсөн стадион" барих бөгөөд өвлийн улиралд халдаг эко ариун цэврийн байгууламжийг нэвтрүүлэхээр ажиллаж байна.

- "Монгол тэмээ наадам" 2024  оны хоёрдугаар сард Дорноговь аймгийн Сайншанд хотноо болно.

- "Түмэн тэмээний баяр-2024" арга хэмжээ 2024 оны хоёрдугаар сарын 1-3-ны өдрүүдэд Даланзадгад хотод болно. Энэ хүрээнд таван насны хурдан тэмээний уралдаан, тэмээн поло тэмцээн болж, сайхан тэмээтэй хос, шилмэл үүлдрийн буур, шилмэл ингэ шалгаруулна.

- "Хөх сувд” мөсний баяр Хөвсгөл аймгийн Хатгал тосгонд  2024 оны гуравдугаар сарын 2-3-нд болно.

- “Цаа, цасны баяр” Хөвсгөл аймгийн Цагаанннуур суманд 2024 оны гуравдугаар сарын 5-6-нд болно.

- Мөсний загасчлалын “Хөвсгөлийн цом” олон улсын тэмцээн Хөвсгөл аймгийн Ханх сумын Хороо голын адагт 2024 оны гуравдугаар сарын 15-18 -нд болно.

- “Мөсний загасчлалын дэлхийн АШТ" 2024 оны гуравдугаар сарын 3 дахь долоо хоногийн бямба, ням гаргуудад Архангай аймгийн Өгийнуурт болно.