УИХ-ын гишүүн С.Амарсайхан: Хар тамхитай тэмцэх нь зөвхөн цагдаагийн байгууллагын ажил биш

УИХ-ын гишүүн С.Амарсайхан өнөөдөр /2026.11.13/ Монгол Улсад үүсээд буй хар тамхины хэрэглээ, түүнээс үүдэлтэй эрсдэлийн нөхцөл байдалтай холбоотой асуудлаар УИХ-ын гишүүдэд хаалттай мэдээлэл хийлээ.

Хаалттай мэдээлэл, сонсголын дараа С.Амарсайхан сэтгүүлчдэд мэдээлэл өгч, Монгол Улсад хар тамхины хэрэглээ, хууль бус эргэлттэй холбоотойгоор үүсээд буй нөхцөл байдал, тулгамдаж буй асуудлуудын талаар танилцууллаа.

Сүүлийн жилүүдэд хар тамхи, мансууруулах эм, сэтгэцэд нөлөөт бодисын хэрэглээ, хууль бус эргэлттэй холбоотой асуудал нийгмийн анхаарал татаж байгаа. Тэр дундаа залуучуудын дунд хэрэглээ нэмэгдэх эрсдэл, урьдчилан сэргийлэх ажил, хууль хяналтын байгууллагуудын хамтын ажиллагаа, төрийн бодлого, зохицуулалтыг сайжруулах шаардлага зэрэг асуудал чухлаар тавигдаж байна.