Нутгийн өмнөд хэсгээр бороо, уулаараа нойтон цас орно

Гэрэл зургийг MPA.mn

Өнөөдөр баруун болон зүүн аймгуудын нутгийн зарим газар, төвийн аймгуудын нутгийн өмнөд хэсгээр бороо, уулаараа нойтон цас орно. 

Салхи говь, тал, хээрийн нутгаар 15-17 м/с, түр зуур секундэд 24 метр хүрч ширүүсэж, шороон шуурга шуурах нь. Харин маргааш, V/18-нд баруун болон төвийн аймгуудын  өмнөд, говийн аймгуудын хойд хэсгээр, 19-нд нутгийн зүүн өмнөд хэсгээр, 21-нд баруун аймгуудын нутгийн зарим газар, төвийн аймгуудын нутгийн баруун хэсгээр бороо, уулаараа нойтон цас орох юм байна.

Салхи ихэнх хугацаанд 6-11 м/с байх боловч зарим газраар 15-17 м/с хүрч ширүүсэж, шороон шуурга шуурна. Ням гарагаас ихэнх нутгаар дулаарна.