ХХААХҮ-ийн сайдад захирамж гардууллаа

Засгийн газрын гишүүн, Шадар сайд С.Амарсайхан Хүнс, хөдөө аж ахуй, хөнгөн үйлдвэрийн сайд Жадамбын Энхбаярт Ерөнхий сайдын захирамжийг гардуулав. 

УИХ-ын нэгдсэн чуулганы /2025.06.17/ өдрийн хуралдаанаар Засгийн газрын бүтцийн тухай, Засгийн газрын бүрэлдэхүүний тухай хуульд нийцүүлэн Засгийн газрын гишүүдийг томилох тухай асуудлыг  хэлэлцэн баталсан. Энэ дагуу: 

Хүнс, хөдөө аж ахуй, хөнгөн үйлдвэрийн сайдаар УИХ-ын гишүүн Жадамбын Энхбаяр,
Хот байгуулалт, барилга, орон сууцжуулалтын сайдаар УИХ-ын гишүүн Энхтайваны Бат-Амгалан, 
Байгаль орчин, уур амьсгалын өөрчлөлтийн сайдаар УИХ-ын гишүүн Батын Батбаатар, 
Гэр бүл, хөдөлмөр, нийгмийн хамгааллын сайдаар УИХ-ын гишүүн  Тилеуханы Аубакир нарыг Монгол Улсын Ерөнхий сайдын захирамжаар тус тус томилсон.  

Монгол Улсын Шадар сайд шинээр болон улиран томилогдсон сайдуудад  захирамжийг нь гардуулан өгч, амжилт хүслээ.