Нийт нутгаар хуурайшлын зэрэг нэмэгдэж байна

2026 оны 3 дугаар сарын 29-ний өдрийн байдлаар нийт нутгаар агаарын температур нэмэгдэж байгаатай холбоотойгоор хуурайшилтын төвшин нэмэгдэж байгааг мэргэжлийн байгууллагаас мэдээлж байна.

Нийслэлийн хэмжээнд өнгөрсөн онд зуслангийн бүсэд шар өвс шатсан 348 дуудлага мэдээлэл бүртгэгдсэн. Гал түймрийн улмаас 148,3 га талбай шатлагад өртсөн.

Хуурайшилтын үед нийслэлийн ногоон бүсэд зорчихдоо гал түймрийн аюулаас урьдчилан сэргийлж, аюулгүй байдлаа хангахыг анхааруулж байна.

Ногоон бүсэд зорчихдоо:

- Ил гал, шүдэнз, тамхины галыг бүрэн унтраах,

- Халуун үнс нурмыг бүрэн унтраах,

- Шар өвс, хог хаягдлыг шатаахгүй байх,

- Автомашины яндангаас гал алдах эрсдэлээс сэргийлж галын аюулгүй байдлаа хангахыг зөвлөж байна.