ХХААХҮ-ийн сайд Ц.Идэрбат: Мах талх шиг янз бүрийн үнэтэй байна

ХХААХҮ-ийн сайд Ц.Идэрбат мэдээлэл өглөө. 

Хүнс, хөдөө аж ахуй, хөнгөн үйлдвэрийн сайд Ц.Идэрбат махны үнийн өсөлт, нөөцийн махны нийлүүлэлт, хаврын тариалалт болон шатахууны нөөцийн асуудлыг хэлэлцэж, махны үнэ 13–30 мянган төгрөгийн хооронд хэлбэлзэж байгааг мэдээлэв. Тодруулбал "Өчигдөр томоохон худалдааны төв, гэр хорооллын дэлгүүрүүдээр явж махны үнийг судаллаа. Тухайлбал, "E mart", "Номин"-гийн салбар, Баруун салааны "В mart", Зүүн салааны "Жинст" зэрэг дэлгүүрээр орж үзсэн. Талхны үнэ янз бүр байдаг шиг махны үнэ янз бүр байна. Фермерийн мах 30 мянга хүрэх гэж байгаа нь үнэн. Намар бэлтгээд одоо гаргаж зарж байгаа мах 25-26 мянган төгрөг байна" гэлээ. Мөн шатахуун, төмсний үрийн нөөц бүрдүүлэх ажилд анхаарч ажиллаж байгаа гэв.