Сэтгэцийн өөрчлөлттэй иргэн үйлчилгээний төвийн хоёр ажилтныг зодож, гэмтээсэн гэх хэргийг шалгаж байна

"Сэтгэцийн өөрчлөлттэй иргэн дэлгүүрт үйлчлүүлж байхдаа хэд хэдэн хүнийг зодож, ноцтой хүнд гэмтээжээ. Нэг хүн нь сэхээнд, өнөө маргаашгүй хагалгаанд орох гэж байгаа" гэсэн мэдээлэл бүхий бичлэгийг цагдаагийн байгууллагаас тодруулахад, 

"Цагдаагийн байгууллагын 102 тусгай дугаарын утсанд 2026.05.06-ны өдөр БГД-н 32 дугаар хороо худалдааны төв дотор үл таних хүнтэй маргалдаж зодуулсан гэсэн гомдол мэдээллийг хүлээн авч шалгах ажиллагаа явуулахад тус төвийн үйлчилгээний 2 ажилтан, үйлчлүүлэгч иргэн хооронд таарамжгүй харилцаа үүсэж, маргалдан, үйлчилгээний төвийн 2 ажилтан зодуулж, иргэн Б 36/эр нь хохирогчийн толгой руу цохисон, өшиглөсөн үйлдлээс хохирогч ГССҮТ-д эмчилгээ хийлгэж байна. Уг зодооны улмаас хохирогчдын биед учирсан бэртэлд гэмтлийн зэрэг тогтоолгохоор шинжээч томилсон, мөрдөн шалгах ажиллагаа үргэлжилж байна" гэв.