Гэрэл зургийг MPA.mn

Ардчилсан намын гишүүд өнөөдөр мах болон өргөн хэрэглээний бараа бүтээгдэхүүний үнийн өсөлтийг эсэргүүцэж, Улсын Их Хурлын чуулганы танхимын үүдэнд эсэргүүцлийн акц зохион байгууллаа.

Тэд иргэдийн худалдан авах чадвар буурч, өргөн хэрэглээний бараа бүтээгдэхүүний үнэ нэмэгдсээр байгааг шүүмжилж, төр засгийг инфляц, үнийн өсөлтийг бууруулах бодит арга хэмжээ авахыг шаардсан байна.

Акцын хүрээнд чуулганы танхимын үүдэнд мах өлгөж байрлуулсан бөгөөд энэ нь махны үнэ өсөж, иргэдийн амьжиргаанд дарамт учруулж байгааг бэлгэдсэн үйлдэл хэмээн тайлбарлажээ.

АН-ын төлөөллүүдийн зүгээс өрхийн орлого нэмэгдэхгүй байхад хүнсний бүтээгдэхүүний үнэ тогтмол өсөж байгаа нь иргэдийн амьжиргаанд хүндээр нөлөөлж байгааг онцолж, Засгийн газраас үнийн өсөлтийг хязгаарлах чиглэлээр бодитой арга хэмжээ хэрэгжүүлэх шаардлагатай гэж үзэж буйгаа илэрхийллээ.

Харин эрх баригчдын зүгээс инфляцын түвшин буурч байгаа бөгөөд эдийн засгийн үзүүлэлтүүд сайжирч байгааг өмнө нь мэдэгдэж байсан юм.