“The Odyssey” 12 хоногийн дотор 700 сая ам.долларын орлого олоод байна

Гэрэл зургийг REUTERS агентлагийн эрхтэйгээр нийтлэв.

Кристофер Ноланы найруулсан “The Odyssey” кино нээлтээ хийснээсээ хойш ердөө 12 хоногийн дотор дэлхийн кино театруудаас $700 сая гаруй орлого олжээ. Ингэснээр 2026 оны хамгийн өндөр орлого олсон кинонуудын эхний дөрөвт багтсан байна.

Кино 2026 оны долоодугаар сарын 17-нд нээлтээ хийсэн бөгөөд Хомерын эртний Грекийн туульсын гол дүр Одиссейн Трояны дайны дараа эх нутаг болох Итакадаа буцахын тулд туулдаг 10 жилийн адал явдлыг өгүүлдэг. Одиссейн дүрд Мэтт Дэймон тоглосон бол Том Холланд, Энн Хэтэуэй, Роберт Паттинсон, Зендая, Шарлиз Терон зэрэг одод мөн дүр бүтээжээ.

Кино шүүмжлэгчдээс ч өндөр үнэлгээ авч байна. Rotten Tomatoes дээр шүүмжлэгчдийн үнэлгээ одоогоор 94%, үзэгчдийн үнэлгээ 97% байгаа юм.

Нолан уг бүтээлээ бүхэлд нь IMAX камераар зураг авсан анхны кино болгосон бөгөөд дэлхийн олон оронд зураг авалт хийжээ.

Эх сурвалж: Reuters