Авлигатай тэмцэх газраас Парламентын номын санд ном, гарын авлага хандивлав

Авлигатай тэмцэх газраас Парламентын номын сангийн сан хөмрөгийг баяжуулах зорилгоор ном, гарын авлага хандивлав.

Парламентын судалгаа, хөгжлийн хүрээлэнгээс ирүүлсэн хүсэлтийн дагуу Авлигатай тэмцэх газраас эрхлэн хэвлүүлсэн нийтийн албан тушаалтан, иргэд, олон нийтэд зориулсан хууль, эрх зүйн мэдлэг олгох, авлигаас урьдчилан сэргийлэх, авлигын эсрэг боловсрол мэдлэгийг түгээн дэлгэрүүлэх чиглэлээрх ном, товхимол, судалгааны бүтээл, гарын авлага болон эмхтгэлүүдийг Парламентын номын сангийн сан хөмрөгийг баяжуулах, уншигч, судлаачдын хүртээл болгох зорилгоор хүргүүллээ.

Энэ хүрээнд 35 төрлийн ном, гарын авлага, товхимлыг Авлигатай тэмцэх газрын Судалгаа шинжилгээний албаны ахлах ажилтан, ахлах комиссар Б.Энхжавхлан Парламентын номын сангийн эрхлэгч Ц.Мөнх-Эрдэнэд гардуулан өгөв.