ХЗДХ-ийн сайд О.Алтангэрэл: Өчигдөр хохирогчдын хувийн мэдээлэл цацагдсан нь хэн нэгний зориудаар тараасан, хүний эрхийг ноцтой зөрчсөн гэмт хэрэг

Хууль зүй, дотоод хэргийн сайд О.Алтангэрэл цаг үеийн асуудлаар мэдээлэл өгч байна. Тэрээр мэдээлэлдээ: 

"Өчигдөр хохирогчдын хувийн мэдээллийг цацагдсан нь хэн нэгний зориудаар тараасан, хүний эрхийг ноцтой зөрчсөн гэмт хэрэг. Зөвхөн хохирогчид ч биш монгол хүн бүрийн хувийн мэдээлэл хуулиар хамгаалагдсан байдаг. Үүнийг тараасан Цагдаагийн алба хаагч ч бай ямар ч хүн хуулийн хариуцлага хүлээх ёстой. Хувийн, эмзэг мэдээллийг тараах нь 5 хүртэлх жил хорих ялтай. Цагдаагийн алба хаагч тараасан бол албаар нь хариуцлага тооцно. Гэр бүлээ алдсан хүүгийн хувьд бид түүнд сэтгэлзүй болон бусад бүх талаар дэмжлэг үзүүлэх болно" гэв.