УИХ-ын гишүүн Ч.Лодойсамбуу: Цөөнх нь олонхдоо хяналтаа тавих нь улстөржилт, талцал хуваагдал ердөө ч биш

Ардчилсан намын бүлгийн гишүүд, Их хурал дээр Хяналтын сонсгол хийх бол цөөнхөөрөө удирдуулдаг байх зохицуулалттай хуулийн төсөл боловсруулж өргөн барилаа. 

Сүүлийн гурван парламентад ноёлж байгаа олонх өөрөө өөртөө хяналт тавьж сонсгол хийж үр дүн гаргах боломжгүйг өмнөх сонсголууд, өнөөгийн засаглалынх нь арга хэлбэрүүд хангалттай харууллаа. Цөөнх нь олонхдоо хяналтаа тавих нь улстөржилт, талцал хуваагдал ердөө ч биш. Парламентын засаглалтай улс мөн л юм бол цөөнхийн хяналт зайлшгүй байх нь онол. Хяналтын сонсголыг цөөнх нь удирдах боломжтой болсоноор,

- Халтуурдаад, халхавчлаад өнгөрсөн нүүрсний сонсгол
- Ковидын үеийн төсвийн сонсгол
- Утаа, түлш тойрсон асуудлаар хийх сонсгол
- Данхар төрийн будилаантай худалдан авалтууд гэх мэт авлига, хулгайн олон асуудлуудад жинхэнэ хөндлөнгийн хяналт хийх боломж бүрдэнэ гэж УИХ-ын гишүүн Ч.Лодойсамбуу мэдээллээ.