"Оюу толгой" компани ТОП-100 жагсаалтыг гурав дахь жилдээ тэргүүллээ

Гэрэл зургийг MPA.mn

Монгол Улсын нийгэм, эдийн засагт оруулж буй хувь  нэмрээр "Оюу толгой" компани ТОП-100 жагсаалтыг 3 дахь жилдээ тэргүүллээ.  

Бид 2024 онд Монгол Улсын төсвийн орлогод 1.1 их наяд төгрөг, 2010 оноос хойш нийт 12.5 их наяд төгрөгийг татвар хураамж, үндэсний компаниудад төлсөн НӨАТ зэрэг бусад төлбөрт төвлөрүүлэн, улсын болон орон нутгийн нэгдсэн төсөвт хувь нэмрээ оруулсаар байна. Дотоодын худалдан авалтад 2010 оноос хойш нийт 34.7 их наяд төгрөг зарцуулж үндэсний худалдан авалтын сүлжээгээ чадавхжуулсаар байна.  

“Оюу толгой” компани боловсрол, хүний хөгжилд чиглэсэн дотоод, гадаадын боловсролын тэтгэлэг болон чадавхжуулах олон хөтөлбөрийг хэрэгжүүлж, ирээдүйн чадварлаг боловсон хүчнийг бэлтгэхэд хувь нэмэр оруулж байна. Түүнчлэн байгаль орчны чиглэлээр “100 сая мод өвлүүлэн үлдээе” хөтөлбөрийн хүрээнд 20.5 сая мод тарих, ургуулахтай тэнцэх ажлыг амжилттай хэрэгжүүлээд байна. 

Хөгжил дэвшлийг хамтдаа бүтээлцэж буй нийт 20,000 гаруй оюутолгойчууд, ханган нийлүүлэгч компаниуд болон нийт ТОП-100 аж ахуйн нэгжүүддээ халуун баяр хүргэе! 

Эх сурвалж: “Оюу толгой” компани