Монгол Улсын манлай уяач М.Цэрэнжавын уясан хүрэн халзан түрүүллээ

Тулгар Төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Ардчилсан хувьсгалын 35 жилийн ойн баяр наадмын Хурдан морины уралдаан их насны уралдаанд Сүхбаатар аймгийн Баруун-Урт сумын Монгол Улсын манлай уяач М.Цэрэнжавын уясан, Л.Анхбаатарын хүрэн халзан түрүүллээ.

- Аман хүзүүнд Ховд аймгийн Чандмань сумын харьяат Монгол Улсын манлай уяач Б.Ерөөлтийн халтар,

- Айргийн гуравт, Төв аймгийн Заамар сумын харьяат Монгол Улсын тод манлай уяач М.Алтан-Очирын хээр,

- Айргийн дөрөвт, Говь-Алтай аймгийн Халиун сумын харьяат Монгол Улсын алдарт уяач А.Нямбаатарын халтар,

- Айргийн тавд, Баянхонгор аймгийн Баян-Овоо сумын харьяат Монгол Улсын тод манлай уяач Т.Ихбаярын хул тус тус хурдаллаа.

Төрийн их баяр наадмын хурдан их насны уралдаанд нийт 210 морь бүртгүүлснээс 161 нь сэрвээний өндрийн стандартыг хангаж гарааны зурхай руу хөдөлсөн юм.

Гэрэл зургийг MPA.mn