Ливан хилийн асуудлаар НҮБ-д гомдол гаргана

 Гэрэл зургийг REUTERS агентлагийн онцгой эрхтэйгээр нийтлэв.

Израил өмнөд хилийн дагуу бетон хана барьж, НҮБ-ын тогтоосон хөх шугам буюу хилийн заагийг зөрчсөн гэж үзсэн Ливан НҮБ-ын Аюулгүйн зөвлөлд гомдол гаргахаар болжээ.
Энэхүү хөх шугам нь Ливан, Израил болон Израилын эзэлсэн Голаны өндөрлөгийн заагийг тодорхойлдог юм. НҮБ-ын Ерөнхий нарийн бичгийн даргын хэвлэлийн төлөөлөгч Стефан Дюжаррикийн мэдээлснээр, Израилын барьж буй хана 4000 хавтгай метр гаруй Ливаны газар нутгийг хааж буй аж.

Ливаны Ерөнхийлөгч энэ талаар мэдэгдэл гаргаж, уг хана нь НҮБ-ын Аюулгүйн зөвлөлийн 1701 дүгээр тогтоолыг зөрчиж, Ливаны бүрэн эрхт байдал, нутаг дэвсгэрийн халдашгүй байдалд халдсан гэж онцолжээ.
Харин Израилын арми  дайн эхэлснээс хойш Израил умард хилийн хамгаалалтыг бэхжүүлэх олон арга хэмжээ авч буйг онцолжээ.

Эх сурвалж: Reuters