СЭЛЭНГЭ: У.Хүслэн, Б.Төрмөнх нар Азийн аваргаас хос медальтай ирлээ

Сэлэнгэ аймгийн Биеийн тамир спортын газрын харьяа Усан спорт сургалтын төвийн “Silver Fins” багийн тамирчид нэгдүгээр сарын 29-нөөс хоёрдугаар сарын 1-ний өдрүүдэд Бангкок хотноо зохион байгуулсан  Ази тивийн аварга шалгаруулах тэмцээнд амжилттай оролцоод ирлээ.

Уг тэмцээнд 23 улсын 91 клубийн 1168 тамирчин оролцож хурд хүчээ сорьсон байна.

Усан спорт сургалтын төвийн “Silver fins” багаас 10 тамирчин оролцсоноос Б.Төрмөнх, О.Уранбилэг, У.Хүслэн нар Азийн аваргын алтан медаль хүртсэн байна.

Мөн тамирчин Э.Намуунаа, Б.Лхагвацэрэн нар Азийн аваргын мөнгөн медаль, тамирчин Б.Эмүжин, Б.Тэмүүлэн, С.Саруултөгс нар хүрэл медаль тус тус хүртжээ.

Ташрамд, тамирчин Б.Төрмөнх Азийн аваргын алт, мөнгө хүртэж хос медалийн эзэн болжээ.