Боловсролын байгууллагын удирдлагууд цалингийн нэмэгдэл болон тулгамдаж буй асуудлаар салбарын сайдаасаа хариулт авлаа

Боловсролын сайд П.Наранбаяр, дэд сайд Д.Гантулга, Боловсролын ерөнхий газрын дарга Т.Ням-Очир болон тус яамны газар, хэлтсийн дарга нар өнөөдөр нийслэлийн боловсролын байгууллагын удирдлагуудтай уулзалт хийлээ.

Боловсролын сайд П.Наранбаяр боловсролын салбарт хэрэгжүүлж буй бодлого, шинэчлэл, тэр дундаа сургалтын чанар, хүртээмжийг нэмэгдүүлэх, багшийн хөгжлийг дэмжих, удирдлагын менежментийг сайжруулах чиглэлээр баримталж буй зорилт, арга хэмжээг танилцуулж, газар дээрх санал, бодит хэрэгцээнд тулгуурлан шийдвэр гаргах нь чухал болохыг онцоллоо.

Нийслэлийн боловсролын байгууллагын удирдлагууд салбарын бодлого, шийдвэрийг хэрэгжүүлэх явцад тулгарч буй асуудал, санхүүжилт, хүний нөөц, цалингийн нэмэгдэлтэй холбоотой асуултууд тавьж, санал бодлоо илэрхийллээ гэж Боловсролын яамнаас мэдээллээ.