ҮСХ: Монгол Улсын нийгэм, эдийн засгийн 2026 оны нэгдүгээр сарын үзүүлэлтүүд

Монгол Улсын нийгэм, эдийн засгийн 2026 оны нэгдүгээр сарын гүйцэтгэлийг ҮСХ-ны Олон нийттэй харилцах хэлтсийн дарга Д.Баасан танилцууллаа. 

Гэрэл зургийг MPA.mn

Улсын нэгдсэн төсвийн нийт орлого, тусламжийн хэмжээ 2026 оны 1 дүгээр сарын урьдчилсан гүйцэтгэлээр 1.8 их наяд төгрөгт хүрч, өмнөх оны мөн үеэс 78.2 (4.5%) тэрбум төгрөг, тэнцвэржүүлсэн орлого тусламжийн хэмжээ 1.7 их наяд төгрөгт хүрч, өмнөх оны мөн үеэс 37.4 (2.2%) тэрбум төгрөгөөр тус тус өсжээ.

Монгол Улсын эдийн засаг 2025 онд 6.8 хувиар өслөө. Уг өсөлтөд хөдөө аж ахуйн салбарын нэмэгдэл өртөг 917.8 (33.2%) тэрбум төгрөгөөр, үйлдвэрлэл, барилгын салбарынх 482.8 (11.4%) тэрбум төгрөгөөр, уул уурхай, олборлолт 453.6 (10.6%) тэрбум төгрөгөөр нэмэгдсэн нь голлон нөлөөлөв.