Японы хар салхины улмаас МИАТ зарим нислэгийн цагийн хуваарийг өөрчилжээ

Гэрэл зургийг MPA.mn

Японы баруун өмнөд хэсэгт үүсээд буй хар салхины хурд 144 км/цагт хүрч, ширүүн салхи, их хэмжээний бороо орж, үер буух эрсдэлтэй байгааг тус улсын цаг уурын байгууллагаас анхааруулж байна.

Үүнтэй холбогдуулан МИАТ ТӨХК нислэгийн аюулгүй байдлыг хангах зорилгоор өнөөдөр буюу 2026 оны наймдугаар сарын 11, мөн маргаашийн зарим нислэгийн цагийн хуваарьт өөрчлөлт оруулжээ.

Шинэчилсэн нислэгийн хуваарь:

• OM509 | Улаанбаатар–Нарита: Чингис хаан ОУНБ-аас 05:00 цагт хөөрч, Наритад 09:55 цагт бууна.
• OM510 | Нарита–Улаанбаатар: Наритагаас орон нутгийн цагаар 10:55 цагт хөөрч, Улаанбаатарт 16:30 цагт бууна.
• OM303 | Улаанбаатар–Инчеон: Чингис хаан ОУНБ-аас 17:30 цагт хөөрч, Инчеонд 20:40 цагт бууна.
• OM304 | Инчеон–Улаанбаатар: Инчеоноос орон нутгийн цагаар 21:40 цагт хөөрч, Улаанбаатарт 01:20 цагт бууна.

МИАТ-аас зорчигчдыг нислэгийн аюулгүй байдлыг хангах үүднээс хийж буй дээрх өөрчлөлтөд хүлээцтэй хандахыг хүсжээ.

Нислэгийн хуваарийн өөрчлөлттэй холбоотой мэдээлэл, санал хүсэлтийг 11-333-999 дугаараар авах боломжтой.

Эх сурвалж: МИАТ