Эрээн хот Хятад, Монголын хил дамнасан төлбөрийн уялдаа холбоог дэмжих найман арга хэмжээг хэрэгжүүлнэ

Эрээн хотын захиргаа Хятад, Монголын хил дамнасан төлбөрийн уялдаа холбоог хөгжүүлэх найман арга хэмжээг албан ёсоор баталж, хэрэгжүүлж эхэллээ. Энэхүү бодлогын багц нь хил дамнасан санхүүгийн үйлчилгээний шинэчлэлийг дэмжиж Хятад, Монголын иргэдийн төлбөр тооцоог илүү хялбар, шуурхай болгох зорилготой юм. Тус найман арга хэмжээ нь хооллох, байрлах зэрэг өдөр тутмын хэрэглээнээс эхлээд хил дамнасан худалдаа, аялал жуулчлалын төлбөр тооцоо зэрэг олон салбарыг хамарч, Эрээн хотыг хил орчмын төлбөрийн шинэчлэлийн туршилтын бүс болгон хөгжүүлэхэд чиглэж байна. Ингэснээр Хятад, Монголын иргэдийн хил дамнасан худалдаа, аялал жуулчлал болон өдөр тутмын хэрэглээнд гар утасны төлбөр болон бусад цахим төлбөрийн үйлчилгээг илүү өргөн ашиглах нөхцөл бүрдэх аж.