Х.Уянга: Хотын дарга асан Х.Нямбаатар хууль бус үйл ажиллагаа явуулснаа нуун дарагдуулах зорилгоор газар өгч, сэтгүүлчдийг хөлсөлсөн байж болзошгүй

Туулын хурдны зам төслийн асуудлаар шүүхэд дуудагдсан Х.Уянга нарын иргэдээс мэдээлэл өглөө. 

Гэрэл зургийг MPA.mn

Х.Уянга: Хотын дарга асан Нямбаатар зохион байгуулалттайгаар бусдыг гүтгэх, хууль бус үйл ажиллагаа явуулснаа нуун дарагдуулах зорилгоор сэтгүүлчдийг хөлсөлж байсан байж болзошгүй мэдээлэл гаргаж байна. Бид #SaveТuul – Хатан Туулаа хамгаалая хөдөлгөөн өрнүүлээд явж байхад олон сэтгүүлч, үүнээс Шударга 10 гэж өөрсдийгөө нэрлэдэг хэдэн хэвлэл биднийг харлуулан, үндэслэлгүй дайрдаг байсаан. Үүнээс олон хоног хайсан нэг баримтыг гаргаж байна аа. 

Eguur.mn-н эрхлэгч, редактор Ж.Мядагбадам нь уг ажилбарт оролцсон байх боломжтой гэж үзэх мэдээлэл надад байна. Туулын хурдны зам төсөл нь 2025 оны 3-р сараас 2026 сарын 4-ны хооронд идэвхтэй байж байсан. Тэгвэл eguur.mn-ы эрхлэгч, эцсийн өмчлөгч нар нь уг төслийн талаарх мэдээлэл түгээх, нийтэд Х.Нямбаатрын ажлыг өмгөөлж, шаардлага тавьсан, үнэт зүйлээ хамгаалсан иргэдийг санаатай, зориуд гутаасан байх боломжтой. Үүний сэжүүр нь Ж.Мядагбадамын нэр дээр нэг өдөр гарсан 2026 оны 01-р сарын 19-ны өдөр захирамжаар зэрэг олгогдсон 8 (найман) газрын мэдээлэл байна, нийт энэ хүний нэр дээр уулын бэлд 10000 мкв орчим газар "гэр бүлийн хэрэгцээний" газар нэрээр цугларчээ. Мядагбадам сэтгүүлчийн газрын хүсэлт нь 01-р сарын 02-ны өдөр бүртгэгдсэн байх бөгөөд, ердөө 17 хоногийн дараа шийдэгдэж, нэг хүнд 8 газар олгогдсон байна, нийт цуглуулга нь 10 болж. Газрын нэгж талбарын дугааруудыг нь egazar.gov.mn сайтруу орж дугаарыг нь хийж олох боломжтой:

1462703636
1462708117
1462707988
1462707987
1462707075
1462707008
1462703644
1462703628
1462707950
1462707074

ЦЕГ-т уг мэдээллийг өгч шалгуулна, харин АТГ яаж ажил хийдгийг иргэн Уянгаа надаас харж ав" гэлээ.