Нүүрсний сонсголын дараагийн шатанд Х.Баттулга, С.Баярцогт нарыг гэрчээр дуудна

Нүүрсний сонсголын хоёр дахь шатанд дуудагдах гэрчийн нэрсийг танилцуулж байна. 

Улсын Их Хурлын 2023 оны 63 дугаар тогтоолоор байгуулагдсан “Төрийн болон орон нутгийн өмчит, өмчийн оролцоотой зарим компаниудын нүүрс олборлолт, борлуулалт, тээвэрлэлт, экспортын үйл ажиллагаа болон бусад бараа, ажил, үйлчилгээ худалдан авалтын үйл ажиллагаанд хяналт шалгалт хийх, нотлох баримтыг шинжлэн судлах нээлттэй сонсгол зохион байгуулах, иргэд, олон нийтийг мэдээллээр хангах, хяналт шалгалтын тайланг Улсын Их Хурлын 2023 оны намрын ээлжит чуулганы хугацаанд багтаан танилцуулах” үүрэг бүхий Хянан шалгах түр хороо өнөөдөр (2023.12.11) хуралдаж, хоёр асуудал хэлэлцэн шийдвэрлэлээ. Хянан шалгах түр хорооны хуралдаан гишүүдийн 63.6 хувийн ирцтэйгээр, 13 цаг 08 минутад эхэлсэн.

Хуралдаанаар “Түр хорооны сонсголд гэрчээр дуудах тухай”, “Тогтоолын хавсралтад нэмэлт, өөрчлөлт оруулах тухай” Хянан шалгах түр хорооны тогтоолын төслүүдийг төслүүдийг хэлэлцэж, нүүрсний сонсголын хоёр дахь шатанд дуудагдах гэрчийн нэрсийг танилцуулав.