Зеленский: Оросыг зогсоохгүй бол түрэмгийлэл өргөжнө

Украины Ерөнхийлөгч Владимир Зеленский Оросын эсрэг хүчтэй арга хэмжээ авахгүй бол түрэмгийлэл зөвхөн Украинд бус, бусад улс оронд ч заналхийлэх болно гэж НҮБ-ын Ерөнхий Ассамблейн индрээс үг хэлэхдээ анхаарууллаа.

Тэрээр Оросын түрэмгийллийг таслан зогсоох нь ирээдүйд хор хохирлоос сэргийлэх хамгийн боломжит арга гэдгийг онцлов. Мөн дрон, хиймэл оюун ухаанд суурилсан зэвсэг уламжлалт зэвсгээс аюултай тул хиймэл оюунтай холбоотой олон улсын зохицуулалт боловсруулахыг тэрбээр уриалжээ.

Түүнчлэн Молдав Улс Оросын нөлөөнд орох эрсдэлтэй байгааг сануулж, Гүрж, Беларусийг тэдний нөлөөнд орохоос сэргийлэх боломжийг барууны орнууд алдсан гэж Зеленский хэлсэн үгэндээ онцолсон юм. 

Эх сурвалж: BBC