Хятадын үйлдвэрийн ашгийн өсөлт саарчээ

Гэрэл зургийг REUTERS агентлагийн эрхтэйгээр нийтлэв.

Хятадын аж үйлдвэрийн компаниудын ашиг наймдугаар сард өмнөх оны мөн үеэс 4.2 хувиар өссөн ч долдугаар сарын 11.2 хувийн өсөлтөөс мэдэгдэхүйц саарчээ.

Үндэсний статистикийн товчооны мэдээллээр оны эхний найман сарын хугацаанд аж үйлдвэрийн компаниудын ашиг 15.7 хувиар өссөн байна. Гэвч энэ үзүүлэлт нэгдүгээр сараас долдугаар сарын хоорондох 17.6 хувийн өсөлтөөс мөн буурчээ.

Дотоодын эрэлт сул хэвээр байгаа болон зарим салбарт үйлдвэрлэлийн илүүдэл хүчин чадал үүссэн нь компаниудын үнэ тогтоох боломжид дарамт болж байна. Үүний зэрэгцээ технологийн үйлдвэрлэл, ялангуяа хиймэл оюун ухаантай холбоотой салбаруудын ашиг өсөлтийг дэмжжээ.

Компьютер, харилцаа холбооны тоног төхөөрөмж болон бусад электрон бүтээгдэхүүний үйлдвэрлэлийн ашиг эхний найман сард 110 хувиар өссөн бол дарс, ундаа болон боловсруулсан цайны үйлдвэрлэлийн ашиг 34.7 хувиар буурсан байна.

Эх сурвалж: Reuters