Оросын дронууд Киев рүү довтолжээ

Гэрэл зургийг REUTERS агентлагийн онцгой эрхтэйгээр нийтлэв.

Украины нийслэл Киев рүү Орос дроноор довтолж, хотын төвийн  Печерск дүүргийн нэг орон сууцны барилга довтолгоонд өртсөн талаар хотын дарга Виталий Кличко мэдээлэв.
Халдлагын улмаас барилгад гал гарсан бөгөөд одоо аврах багууд ажиллаж байна. Хүний амь хохирсон тухай мэдээлэл одоогоор ирээгүй байна. 

Мөн нийслэлийн зарим хэсэгт цахилгаан болон усан хангамж тасалдсан бөгөөд сэргээн засварлаж эхэлсэн хэмээн хотын удирдлага мэдэгдлээ. Сүүлийн өдрүүдэд Орос Киев болон баруун өмнөд бүс рүү довтолсоор буй. 
Үүний зэрэгцээ  дайныг зогсоох төлөвлөгөөг АНУ Украин хэлэлцэж байгаа юм.  

Эх сурвалж: Reuters