"Манай улс архитектур, хот байгуулалтын 800 гаран жилийн түүхтэй. Тиймээс "Барилгын салбарын 100 жилийн ой" гэж ярихаа болих хэрэгтэй"

ШУА-ын зүгээс “Хархорум” хотын төлөвлөлт, бүтээн байгуулалтын асуудлаар байр сууриа илэрхийллээ. 

820 жилийн Архитектурын түүхтэй "Хархорум" хотын төлөвлөлт, бүтээн байгуулалтын ажилд гадаадын мэргэжилтэн, компаниудыг оролцуулж буйг шүүмжилж, Монголын түүхэн нийслэл Хархорум хоттой холбоотой зураг төсөл, концепц, архитектурын шийдлийг үндэсний мэргэжилтнүүдээр гүйцэтгүүлэх ёстой хэмээн онцолж, төрийн байгууллагуудыг ил тод, хариуцлагатай ажиллахыг шаардаж байгаагаа илэрхийллээ. 

Хархорум хоттой холбоотой төсөв санхүүжилт, төлөвлөлтийн шийдвэр, сонгон шалгаруулалтын мэдээллийг олон нийтэд нээлттэй болгож, ил тод ажиллахыг холбогдох байгууллагуудаас шаардав.

Мөн “Хархорум”-д үндэсний өв соёл, уламжлал, архитектурын онцлогийг шингээсэн хот байгуулалтын бодлого хэрэгжүүлэх шаардлагатай гээд, ""Барилгын салбарын 100 жилийн ой" гэж ярихаа болих хэрэгтэй, манай улс архитектур хот байгуулалтын 800 гаран жилийн түүхтэй" гэдгийг онцоллоо.  

Гэрэл зургийг MPA.mn