Газрын тосны үнэ өсөж, алтны үнэ буурав

Гэрэл зургийг REUTERS агентлагийн эрхтэйгээр нийтлэв.

Ойрх Дорнод дахь геополитикийн хурцадмал байдал үргэлжилж буй энэ үед дэлхийн санхүүгийн зах зээл өндөр хэлбэлзэлтэй байна. Хөрөнгө оруулагчид бүс нутгийн мөргөлдөөн газрын тосны нийлүүлэлтэд нөлөөлөх эрсдэлийг үнэлэхийн зэрэгцээ АНУ-ын Холбооны Нөөцийн Сангийн мөнгөний бодлогын дараагийн шийдвэрийг хүлээж байна.

Газрын тосны үнэ сүүлийн арилжаагаар өссөн нь Ойрх Дорнодын тогтворгүй байдалтай холбоотой юм. Ялангуяа Персийн булан, Ормузын хоолойгоор дамжих нефтийн тээвэрлэлтийн аюулгүй байдалд зах зээл анхаарлаа хандуулж байна.

Харин аюулгүй хөрөнгөд тооцогддог алтны үнэ хоёр долоо хоногийн дээд түвшинд хүрсний дараа бага зэрэг буурлаа. Шинжээчдийн үзэж байгаагаар хөрөнгө оруулагчид ашигтай байр сууриа хааж эхэлсэн бөгөөд зах зээлийн анхаарал АНУ-ын төв банкны бодлогын шийдвэрт шилжээд байна.

Шинжээчдийн хэлснээр Ойрх Дорнод дахь нөхцөл байдал болон АНУ-ын мөнгөний бодлого нь ойрын өдрүүдэд газрын тос, алт, хөрөнгийн болон валютын зах зээлийн хөдөлгөөнийг тодорхойлох гол хүчин зүйл хэвээр байх төлөвтэй байна.

Эх сурвалж: Reuters