Цагдаагийн байгууллага нэг өдрийн дотор 2,321 дуудлага, мэдээлэл хүлээн авчээ

Гэрэл зургийг MPA.mn

Цагдаагийн байгууллагын 102 тусгай дугаарт 2026 оны наймдугаар сарын 5-ны өдөр нийт 2,321 дуудлага, мэдээлэл бүртгэгдсэн талаар Цагдаагийн ерөнхий газраас мэдээллээ.

Нийт бүртгэгдсэн дуудлага, мэдээллээс 801 нь зөрчлийн шинжтэй, 121 нь гэмт хэргийн шинжтэй байжээ. Мөн 17 залилангийн хэрэг, 52 хүүхэд, гэр бүлийн хүчирхийллийн дуудлага, 21 хулгайн хэрэгтэй холбоотой мэдээлэл бүртгэгдсэн байна.

Түүнчлэн тухайн өдөр цагдаагийн алба хаагчид 82 хүнийг эрүүлжүүлж, согтуугаар тээврийн хэрэгсэл жолоодсон 95 зөрчлийг илрүүлжээ.

Мөн шуурхай ажиллагааны хүрээнд дөрвөн хэргийг шуурхай илрүүлж, өмнө нь үйлдэгдсэн 17 хэргийг нөхөн илрүүлсэн болохыг Цагдаагийн ерөнхий газраас мэдээлэв.