Путин Украины довтолгоог хянадаг Оросын армийн штабт зочилжээ

Пүрэв гарагт Оросын Ерөнхийлөгч Владимир Путин Украины довтолгоог хянадаг Ростов-на-Дону дахь цэргийн штабт зочилсон тухай Кремль баасан гарагт мэдэгдэв.

Путин “Пермээс буцах замдаа Ростов-на-Дону дахь Оросын зэвсэгт хүчний удирдлагын төвд зочилсон” гэж Кремлийн мэдэгдэлд дурджээ.

Армийн штабын дарга Валерий Герасимов Путинтэй уулзаж, 2022 оны хоёрдугаар сард эхлүүлсэн Украины эсрэг довтолгооны нөхцөл байдлын талаар мэдээлэл өгсөн байна.

Мягмар гарагт Украин улс мөргөлдөөнд анх удаа АНУ-аас нийлүүлсэн “ATACMS” алсын зайн тусгалтай пуужинг ашигласан тухайгаа мэдэгдсэний дараа уг уулзалт болж байна.

Маргааш нь Путин 165 километрийн тусгалтай уг зэвсэг нь дайнд ямар ч нөлөө үзүүлэхгүй бөгөөд зөвхөн Украины “зовлонг” уртасгах болно гэж мэдэгдсэн юм.

Эх сурвалж: The Moscow Times