НИЙГЭМ

АҮЭБЯ: Ердийн хэрэглээний 15 хоногийн шатахууны нөөцтэй байна

Х.ЧИНГАРАГ/NEWSWIRE.MN

2026-01-08

АҮЭБ-ийн дэд сайд Б.Энхтүвшин, Газрын тосны бодлогын хэрэгжилтийг зохицуулах газрын дарга Ч.Хишигдалай, АМГТГ-ын Газрын тосны бүтээгдэхүүний хэлтсийн дарга Д.Даваабаяр
нар шатахуунтай холбоотой цаг үеийн асуудлаар мэдээлэл өглөө.

Өнөөдрийн байдлаар манай улс шатахууны хэрэглээгээ 100 хувь импортоор хангаж буй. Нийт импортын 95 орчим хувийг ОХУ эзэлж байгаа бол үлдсэн хувийг БНХАУ бүрдүүлж байгаа юм. Шатахуун импортлогч компаниуд 2026 оны 01 дүгээр сард нийт 287,860 тонн шатахуун худалдан авахаар захиалгаа баталгаажуулжээ. Тодруулбал, 136,470 тонн АИ-92 автобензин, 148,090 тонн дизель түлш, 3,300 тонн АИ-95 автобензин худалдан авахаар тус тус захиалжээ.

Он гарснаас хойш өнөөдрийг /2026.01.01-07/ хүртэлх хугацаанд Сүхбаатар, Эрээнцав, Цагааннуур, Боршоо, Замын-Үүд боомтоор нийт 65,029 тонн шатахуун импортолж хэрэглэж байна. Үүнийг задалбал,
АИ-92 автобензин – 27633 тонн
АИ-95 автобензин – 183 тонн
Дизель түлш – 37095 тонн
ТС-1 – 118 тонн онгоцны түлш тус тус импортолжээ.

АИ-92 АВТОБЕНЗИНИЙ ИМПОРТ, ТЭЭВЭРЛЭЛТИЙН НӨХЦӨЛ БАЙДАЛ

2026 оны 01 дүгээр сарын 08-ны өдрийн байдлаар Улаанбаатар төмөр зам дээр шатахуунтай 803 вагон байна. Үүнээс
-АИ-92 автобензин - 284 вагон буюу 17040 тонн
-Дизель түлш - 449 вагон буюу 26940 тонн
- ТС-1 онгоцны түлш - 27 вагон буюу 1620 тонн, шингэрүүлсэн шатдаг хий 43 вагон тус тус байна. Буух өртөөдөөр,
Толгойт өртөө
- АИ-92 автобензин - 100 вагон
- Дизель түлш - 180 вагон
- ТС-1 - 26 вагон
- Шингэрүүлсэн шатдаг хий - 32 вагон
Рашаант өртөө
- АИ-92 автобензин - 12 вагон
- Шингэрүүлсэн шатдаг хий - 2 вагон
Улаанбаатар өртөө
- АИ-92 автобензин - 5 вагон
- Дизель түлш - 20 вагон
Дархан өртөө
- АИ-92 автобензин - 14 вагон
Эрдэнэт өртөө
- АИ-92 автобензин - 2 вагон
- Дизель түлш - 3 вагон
Сайншанд өртөө
- АИ-92 автобензин - 5 вагон
- Дизель түлш - 4 вагон
Чойр өртөө
- АИ-92 автобензин - 5 вагон
- Дизель түлш -32 вагон тус тус байгаа бол буух өртөөдийг чиглэн замд 141 вагон Аи-92 автобензин, 210 вагон дизель түлш, 1 вагон ТС-1 онгоцны түлш, 9 вагон шингэрүүлсэн шатдаг хий явж байна.