Б.Пүрэвдагва Нийслэлийн МАН-ын хорооны даргаар 97.5 хувийн саналаар сонгогдлоо

Нийслэлийн Монгол Ардын Намын хорооны 36 дугаар Бага хурал өнөөдөр /2026.11.07/ болж, нийслэлийн МАН-ын хорооны даргаар нийслэлийн Засаг дарга бөгөөд Улаанбаатар хотын Захирагч Б.Пүрэвдагва төлөөлөгчдийн 97.5 хувийн саналаар сонгогдлоо.  

Нийслэлийн МАН-ын хорооны дарга Б.Пүрэвдагва намын анхан шатны байгууллагын үйл ажиллагааг шинэ шатанд гаргах, бүтэц, зохион байгуулалтыг сайжруулах, гишүүдийн оролцоо, хариуцлагыг нэмэгдүүлэх бодлогоо танилцууллаа.  

Нийслэлийн 204 хороонд нэгдсэн стандарт, зохион байгуулалт бүхий франчайз тогтолцоог нэвтрүүлж, хороо бүрийн онцлог, иргэдийн хэрэгцээ, тулгамдсан асуудалд тулгуурлан хөгжүүлнэ.  

Түүнчлэн намын гишүүнчлэлийн бүртгэл, мэдээллийн нэгдсэн системийг сайжруулах, сургалт, мэдээлэл, үнэлгээ, хариуцлагын стандартыг нэвтрүүлэх, цахим хороог хөгжүүлэхээр төлөвлөжээ.  Ингэснээр гишүүд хаанаас ч намын үйл ажиллагаанд оролцох, санал хүсэлтээ хүргүүлэх боломж бүрдэнэ гэдгийг тодотголоо.

Б.Пүрэвдагва: Зөвшилцөл, ойлголцол, итгэлцэл хамтын ажиллагааны жанжин шугам байх болно

Нийслэлийн Монгол Ардын Намын хорооны 36 дугаар Бага хурал өнөөдөр /2026.11.07/ Тусгаар тогтнолын ордонд болж байна. 78 мянга гаруй гишүүнийг төлөөлж, 489 төлөөлөгч оролцож байгаа бөгөөд заалнаас Нийслэлийн Монгол Ардын Намын даргад нэр дэвшигч гараагүй байна.

Ингэснээр нэр дэвшигч Б.Пүрэвдагва танилцуулгаа хийжээ. Тэрбээр "Зөвшилцөл, ойлголцол, итгэлцэл бол бидний ажиллах арга барил, баримтлах зарчим, хамтын ажиллагааны жанжин шугам байх болно" гэж онцолсон аж.

Н.Алтаншагай: Заалнаас нэр дэвшигч гарсангүй

Нийслэлийн МАН-ын хорооны 36 дугаар Бага хурлын явцын талаар мэдээлэл өгч байна.

Гэрэл зургийг MPA.mn

Хотын дарга асан Х.Нямбаатар Нийслэлийн МАН-ын хорооны 36 дугаар Бага хуралдаа цахимаар оролцов

Нийслэлийн Монгол Ардын Намын хорооны 36 дугаар Бага хурал өнөөдөр /2026.11.07/ Тусгаар тогтнолын ордонд эхэллээ.

Нийслэлийн МАН-ын хорооны Тэргүүлэгчдээс шийдвэрлэсний дагуу энэ удаагийн хурлаар дараах асуудлыг хэлэлцэнэ.

Үүнд:

1. Нийслэлийн МАН-ын хорооны даргын тайлан
2. Нийслэлийн МАН-ын хорооны даргыг шинээр сонгох
3. Бүтэц, зохион байгуулалтын асуудлыг хэлэлцэнэ. 

Нийслэлийн Монгол Ардын Намын 78 мянга гаруй гишүүнийг төлөөлж, 36 дугаар Бага хуралд 489 төлөөлөгч оролцож байна. Нийслэлийн 204 хорооны намын хороо тус бүрээс нэг төлөөлөгчийг бүх гишүүний хурлаар сонгосон.

Төлөөлөгчдийн,

-65.1 хувь нь эрэгтэйчүүд 

-34.9 хувь нь эмэгтэйчүүд

-12.2 хувь нь 18-34 хүртэл насны залуучууд

-78.3 хувь нь 35-60 насныхан

-9.4 хувь нь 61-ээс дээш насны ахмадууд байна.

Бага хуралд төлөөлөгчдийн хамгийн ахмад нь 89 настай, хамгийн залуу нь 18 настай байна. Нийслэлийн Монгол Ардын Намын хорооны 36 дугаар Бага хуралд намын ахмад, дунд, залуу үеийнхний залгамж холбоо, эмэгтэйчүүдийн төлөөлөл сонгогджээ.

З.Төмөртөөмөө: Х.Нямбаатар дарга сайн ажилласан

Ч.Хүрэлбаатар: 2024 оны сонгуулиас хойш төр засгийн ажилд оролцохгүй байгаа

Нийслэлийн МАН-ын хорооны хурал 10:00 цагт эхэлж, дараагийн даргаа сонгох гэж байна

Гэрэл зургийг MPA.mn