Японы төв банк бодлогын хүүгээ хэвээр үлдээж, иений ханшийг дэмжих арга хэмжээ авчээ

Гэрэл зургийг REUTERS агентлагийн эрхтэйгээр нийтлэв.

Японы төв банк (Bank of Japan) мөнгөний бодлогын хурлаараа бодлогын хүүгээ өөрчлөлгүй хэвээр үлдээж, эдийн засгийн өсөлт болон инфляцын төлөвийг үргэлжлүүлэн ажиглахаар шийдвэрлэлээ.

Үүний зэрэгцээ Японы эрх баригчид ам.долларын эсрэг сулраад байсан иений ханшийг тогтворжуулах зорилгоор валютын зах зээлд интервенц хийсэн байна. Энэхүү арга хэмжээний дараа иенийн ханш тодорхой хэмжээнд чангарчээ.

Шинжээчдийн үзэж буйгаар, АНУ болон Японы хүүгийн зөрүү өндөр хэвээр байгаа нь иенд дарамт үзүүлсээр байгаа бөгөөд Төв банк ойрын хугацаанд бодлогын хүүгээ өөрчлөхөөс илүүтэй валютын зах зээлийн хөдөлгөөнийг анхааралтай ажиглах төлөвтэй байна.

Зах зээлд оролцогчид Японы мөнгөний бодлого цаашид хэрхэн өөрчлөгдөх, мөн валютын зах зээлд дахин интервенц хийх эсэхийг анхааралтай ажиглаж байгаа аж.

Эх сурвалж: Reuters