АҮЭБ-ийн сайд Г.Дамдинням: БНСУ-аас наймдугаар сард багтаж эхний бүтээгдэхүүнүүдийг авах тохиролцоонд хүрлээ

АҮЭБ-ийн сайд Г.Дамдинням БНСУ-ын "GS Caltex" компанитай уулзжээ. Энэ талаар өөрийн цахим хуудас дээр: 

"БНСУ-ын "GS Caltex" компанитай Монголын газрын тос импортлогч ААН-дын төлөөллүүдийн хамт уулзаж квот, үнэ, тээврийн асуудлуудаар ярилцаж тохирох яриа хэлэлцээг эхлүүлэв. Наймдугаар сардаа багтааж эхний бүтээгдэхүүнүүдийг авах тохиролцоонд хүрэв.

Хүчин чармайлт, цаг орох ажил... Дэмжиж хамтарсан бүхэнд баярлалаа.

"GS Caltex" бол БНСУ-ын хамгийн том эрчим хүч, газрын тос боловсруулах компаниудын нэг юм. Тус компани нь нефть боловсруулах, шатахуун, онгоцны түлш, тосолгооны материал, нефть-химийн бүтээгдэхүүн үйлдвэрлэж, дэлхийн олон оронд экспортолдог юм" гэж мэдээлжээ.