Засгийн газрын хуралдаанаар 20 асуудал хэлэлцэж байна

Засгийн газрын ээлжит хуралдаан өнөөдөр эхэллээ. Хуралдаанаар нийт 20 асуудал хэлэлцэхээр төлөвлөсөн байна.

Энэ удаагийн хуралдаанаар дараах асуудлуудыг хэлэлцэж байна. Үүнд:

“Шинэ цагийн малчин” үндэсний хөтөлбөрийн төлөвлөгөөг батлах тухай;

“Чингис хаан” олон улсын нисэх буудлын өргөтгөлийн төсөл;

Шүгэл үлээгчийг хамгаалах тухай хуулийн төсөл;

Гэрч, хохирогчийг хамгаалах тухай хуулийн шинэчилсэн найруулгын төсөл;

Транс-Азийн төмөр замын сүлжээний тухай Засгийн газар хоорондын хэлэлцээрт нэмэлт, өөрчлөлт оруулах асуудал;

Эдийн засгийн эрх чөлөөний тухай хууль, Хөрөнгө оруулалтын тухай хууль, Зөвшөөрлийн тухай хуулийн хэрэгжилтийг хангах үйл ажиллагааны төлөвлөгөөний хэрэгжилт зэрэг асуудлыг хэлэлцэж байна.

Хуралдаанаар хэлэлцэх нийт 20 асуудлын шийдвэр, холбогдох мэдээллийг үргэлжлүүлэн хүргэнэ.