Нарендра Моди Непалд хүчирхийллийг зогсоохыг уриаллаа

Непалд өрнөсөн эсэргүүцлийн хөдөлгөөний улмаас 20 гаруй хүн амиа алдаж, Ерөнхий сайд нь огцроод буй. 
Энэ асуудлаар Энэтхэгийн Ерөнхий сайд Нарендра Моди “Непалд тогтвортой байдал, энх тайван, хөгжил нь хамгийн чухал” хэмээн мэдэгдэж, хүчирхийллийг зогсоохыг уриаллаа. 

Непал нь Энэтхэгтэй залгаа, хилтэй бөгөөд хоёр орны иргэд виз, паспортгүй зорчих эрхтэй бөгөөд үймээн, хямрал Делид шууд нөлөөлөх эрсдэлтэй гэж шинжээчид онцолж буй.
Одоогоор 3.5 сая гаруй балба иргэн  Энэтхэгт ажиллаж, амьдардаг аж. Түүнчлэн Непалд эсэргүүцлийн хөдөлгөөн өрнөж, үймээн дэгдэхээс өмнө Ерөнхий сайд Оли Дели хотод айлчлахаар төлөвлөж байв. 

Эх сурвалж: BBC