NEWSWIRE

Хотын даргын асуудлыг Нийслэлийн МАН-ын хороо энэ сарын 25-нд хэлэлцэнэ

3 цаг

Гэрэл зургийг MPA.mn

Өнөөдөр /2026.05.19/ Нийслэлийн МАН-ын тэргүүлэгчид 15:00 цагт хуралдахаар болжээ. Энэ талаар Хотын дарга асан Х.Нямбаатар хэвлэлд өгсөн ярилцлагадаа дурдсан байна.

Хурлаар Нийслэлийн МАН-ын хорооны хурлын товыг хэлэлцэн тогтоох бөгөөд тус хурлаар нийслэлийн Засаг дарга бөгөөд Улаанбаатар хотын захирагчид нэр дэвшигчийг тодруулах аж.

Улмаар Нийслэлийн МАН-ын хорооны хурлаас дэмжигдсэн нэрийг МАН-ын Удирдах зөвлөлд хүргүүлж, эцэслэн зөвшилцөх юм.

Гэрэл зургийг MPA.mn

LIVE мэдээ

Эхнээс

Сүүлээс

20 минутын өмнө

Хотын даргын асуудлыг Нийслэлийн МАН-ын хороо энэ сарын 25-нд хэлэлцэнэ

Нийслэлийн МАН-ын Тэргүүлэгчдийн хурал өнөөдөр болж, Нийслэлийн МАН-ын хорооны хурлыг энэ сарын 25-ны өдрийн 10:00 цагт хуралдуулахаар товлолоо.

Тус хурлаар нийслэлийн Засаг даргад нэр дэвшигчийн асуудлыг хэлэлцэх бөгөөд өнөөдрийн Тэргүүлэгчдийн хуралдаанд МАН-ын Удирдах зөвлөлөөс Б.Пүрэвдагвыг Хотын даргад танилцуулсан гэх мэдээлэл байна.

Нийслэлийн МАН-ын Тэргүүлэгчид нь МАН-ын Удирдах зөвлөлтэй адил улс төрийн шийдвэр гаргах чиг үүрэгтэй бөгөөд 23 гишүүнтэй аж. Тэргүүлэгчдийн дэмжсэн нэрийг Нийслэлийн иргэдийн Төлөөлөгчдийн Хуралд оруулж, санал хураалт явуулдаг байна.

Улмаар НИТХ-аас дэмжигдсэн нэрийг нийслэлийн Засаг даргаар томилуулахаар Ерөнхий сайдад уламжилж, Ерөнхий сайдын батламжилснаар Засаг дарга албан ёсоор томилогддог хуулийн зохицуулалттай юм.