Нефть, байгалийн хийн үнэ, нийлүүлэлт хэвийн байдалдаа ороход хэдэн сар шаардлагатай

АНУ, Иран сөргөлдөөнөө зогсоохоор тохиролцон, санамж бичигт гарын үсэг зурцгаасан. Гэсэн ч Иран, АНУ-ын тохиролцоонд хүрсний дараа газрын тос, байгалийн хийн үнэ, нийлүүлэлтийн асуудал хэвийн байдалдаа ороход хэдэн сар шаардлагатай гэж эрчим хүчний мэргэжилтнүүд үзэж байна. 

Хэлэлцээрийг эцэслэн байгуулж, Ормузын хоолойг дахин нээхээр төлөвлөж байгаа ч Даваа гарагийн эхээр нефтийн үнэ бага зэрэг буурсан (АНУ-ын жишиг түүхий нефтийн үнэ 4,03 ам.доллараар буурч, баррель нь 80,85 ам. доллар болсон), харин үнэ хоёрдугаар сарын 28-наас өмнө баррель нь 70 орчим ам. доллар байсан мөргөлдөөний өмнөх түвшнээс давсан хэвээр байна. 

Тээвэрлэлтийн сэргэлт удааширч байгаатай холбоотой гэж шинжээчид онцолж байна. Саудын Араб, Арабын Нэгдсэн Эмират зэрэг өөр хоолойтой орнууд үйлдвэрлэлээ харьцангуй хурдан сэргээж магадгүй бол Иракт томоохон хэмжээний зогсолт, газрын тосны талбайн нарийн төвөгтэй нөхцөл байдал нэг жил орчим үргэлжилж магадгүй юм. Цаашилбал, компаниуд удаан хугацааны туршид гал зогсоож, далайн хоолойг зохицуулах эрх зүйн шинэ дэглэмийг тодорхой болгох хүртэл үйлдвэрлэлээ дахин эхлүүлэхээс татгалзаж байна. 

Эх сурвалж: Reuters