АҮЭБЯ: Улаанбаатарын 155, орон нутгийн 75 шатахуун түгээх станцад нийлүүлэлт хийлээ

Аж үйлдвэр, эрдэс баялгийн яамнаас шатахуунтай холбоотой цаг үеийн асуудлаар  мэдээлэл өгч байна.

АИ-92 автобензин, дизель түлшний нийлүүлэлтийг хэвийн хангах хүрээнд өнөөдрийн буюу 2026 оны наймдугаар сарын 7-ны байдлаар нийт 301 цистерн вагон буулгалтад орсон болон Монгол Улсын нутаг дэвсгэрээр тээвэрлэгдэж байна.

Үүнээс 41 вагон нь АИ-92 автобензин, 260 вагон нь дизель түлш байгаа аж.

Мөн ОХУ-ын Наушки өртөөнөөс өнөөдөр 12:00 цагт 29 вагон, 14:00 цагт 34 вагон автобензин Монгол Улсын хилээр нэвтрэн орж ирэхээр төлөвлөжээ.

Холбогдох байгууллагууд шатахууныг агуулах болон шатахуун түгээх станцуудад шуурхай хүргэх ажлыг зохион байгуулж, дотоодын зах зээлийн нийлүүлэлтийг тасралтгүй хангахаар ажиллаж байна.