Цасанд суусан, малд яваад сураггүй болсон зэрэг дуудлага мэдээлэл нэмэгдэх хандлагатай байна

Цаг агаарын нөхцөл байдлаас шалтгаалан Увс аймгийн Онцгой байдлын газарт цасанд суусан, малд яваад сураггүй болсон зэрэг дуудлага мэдээлэл нэмэгдэх хандлагатай байна.Өндөрхангай-11см, Малчин -15см, Ховд-7см, Улаангом-4см, Баруунтуруун-9см, Өмнөговь-2см, Зүүнхангай-5см, Түргэн-7см, Хяргас-8см зузаан цастай, нийт нутгаар агаартаа -10-2 хэм дулаан, хөрсөндөө -12-2 хэмийн хүйтэн байна. Цаашид хүйтэрч, зам, даваа, гүвээнд үзэгдэх орчин хязгаарлагдаж, халтиргаа гулгаа үүсэхийг анхааруулж байна.

Иймд иргэд, малчид, тээвэрчид та бүхэн:

* Цаг агаарын мэдээ, сэрэмжлүүлгийг тухай бүрт хүлээн авах* Хөдөө, орон нутагт зорчихдоо замын нөхцөл, цаг агаарын байдлыг сайтар тооцох,* Тээврийн хэрэгслийн бүрэн бүтэн байдал, шатахууны нөөцтэй байх, дулаан хувцаслах,* Цасан шуурганы үеэр хол замд гарахгүй байх, малчид малаа ойр бэлчээж, бага насны хүүхэд, хөгжлийн бэрхшээлтэй иргэдийг малд явуулахгүй байхыг Увс аймгийн Онцгой байдлын газраас онцгойлон анхааруулж байна.