“Apple”: Шинэ iPhone асар их эрэлттэй байна

“Apple” компанийн гүйцэтгэх захирал Тим Күүк шинээр зах зээлд гаргасан “iPhone”-ууд дэлхий даяар асар эрэлттэй байгааг мэдэгдлээ.
Компанийнхаа санхүүгийн тайланг танилцуулах үеэр тэрээр есдүгээр сард танилцуулсан хамгийн нимгэн “iPhone Air” болон шинэ “iPhone 17” загваруудын борлуулалт өндөр байгааг онцолсон байна.

“Apple” айсуй зул сар, шинэ жилийн баярын үеэр орлого нь өмнөх оны мөн үеэс 12 хувиар өснө гэж таамаглаж байгаа бөгөөд энэ нь компанийн түүхэн дэх хамгийн амжилттай санхүүгийн улирал болж магадгүй байна.

Тим Күүкийн онцолсноор, “Apple”-ийн нийт орлого 102.5 тэрбум ам.долларт хүрч, өмнөх оноос найман хувиар өссөн бол “iPhone”-оос орсон орлого 49 тэрбум ам.доллар болжээ.

Эх сурвалж: ВВС