НҮБ-ын Аюулгүйн зөвлөлийн хуралдааныг Мелания Трамп даргаллаа

Гэрэл зургийг REUTERS агентлагийн онцгой эрхтэйгээр нийтлэв.

Ойрхи Дорнод дахь зэвсэгт мөргөлдөөн хурцдаж, олон улсын байгууллагууд бүх талд хандан тайван байхыг уриалж буй энэ үед НҮБ-ын Аюулгүй байдлын зөвлөл онцгой хуралдаан зохион байгууллаа. Хуралдаан нь зэвсэгт мөргөлдөөнд өртөж буй хүүхдүүдийн тулгамдсан асуудалд анхаарал хандуулснаараа онцлог байв.

Энэ удаагийн хуралдааныг АНУ-ын Тэргүүн хатагтай Мелания Трамп даргалсан юм. Энэ нь  албан ёсоор үүрэг гүйцэтгэж буй Тэргүүн хатагтай НҮБ-ын Аюулгүй байдлын зөвлөлийн хурал удирдсан анхны тохиолдол боллоо. Онцгой нөхцөлд болж буй ийм хуралдааныг өмнө нь НҮБ-д суугаа Элчинд сайд, эсвэл өндөр албан тушаалтан даргалдаг уламжлалтай байжээ.

Хуралдаанаар зэвсэгт мөргөлдөөний нөхцөл дэх хүүхдийн эрх, аюулгүй байдал, мөн технологи, боловсрол хүүхдүүдэд хэрхэн нөлөөлж буй асуудлыг хэлэлцсэн байна. НҮБ-ын зүгээс дайны бүс нутагт амьдарч буй хүүхдүүдийн асуудалд удаан хугацаанд хангалттай анхаарал хандуулаагүйг онцолж, гишүүн орнуудыг бодитой арга хэмжээ авахыг уриаллаа. 

Эх сурвалж: НҮБ